今日將會乘搭國泰CX504 9:10的航班飛往東京成田机場，前一晚已經約好的士今早6:30來接我們，到達國泰柜位，已經有不少人在排隊check in，辦妥手續後，本想到第二客運大樓的翔天廊食早餐，但因時間不夠，於是走到美心閣飲了一個不美味的早茶。航班準時起飛，14:30抵達成田机場，15:10取行李，隨即走到下一層的JR Service Centre轉換乘車証，並將預早準備好的每程新幹線時刻表，交給職員出車票；因為只有我一位客人，醒目而又親切有禮的女職員，不消一會便辦理妥當，我們買了一些三明治及飲品，便到JR Centre對面的閘口，乘搭15:46的Narita Express前往東京，然後再轉乘東北新幹線到仙台。
一出仙台駅望向對面，已見到仙台Hotel Monterey，本來有天橋連接對面馬路，但因下著微雨及拖著行李，不便行樓梯，所以便由S-PAL商場乘電梯到地下，再過馬路，20:00到達酒店，將劉鄧列印給我的網上預約確認，交給柜枱職員，手續很快便辦妥，上房放下行李後，便立即返回仙台駅覓食。
今晚首度出擊，決定食著名的仙台牛舌，本來想幫趁利久，但要排隊，肚子又已餓得打鼓，見隔鄰的伊達有位，而坐位亦寬敞舒適，一於入去試下。店員會講普通話，介紹我們食1,470円的塩燒及味噌雙拼牛舌定食，好，就來兩客再加一杯生啤525円，味道不錯。
食飽飽後便到與車駅相連的S-PAL商場逛公司，在Porter 巡左一陣，又到無印良品行個圈，行行下有位職員同我地講左一堆日文，我意會到佢地要收工了，於是同老公走回進來時的自動電梯走人，點知落左閘！其他電梯有落冇上，人又唔多個，點算？！終於有位女職員見到我地頭噩噩，知道係遊客，便帶左我地去揾個亞蟬，由呢位亞蟬帶住我地由職員通道出番去，真係su mi ma sen，唔該哂！
職員通道出口即係停車場入口嗰度，對面就係仙台Hotel Monterey，過左馬路就返回酒店。
飲飽食醉、行到公司拉閘放……，好攰，沖番個涼，大覺瞓去！
沒有留言:
張貼留言